18 September 2023
Die doodetal in ‘n ongeluk waarby ‘n bus betrokke was – wat mynwerkers na De Beers se Venetia-myn in Limpopo vervoer het – het tot 22 gestyg nadat twee beseerdes in die hospitaal aan hulle beserings beswyk het.
Die botsing het op die R572 in die Vhembe-distrik plaasgevind toe die bus reg van voor teen ‘n vragmotor gebots het.
Intussen ontken die maatskappy wat die busdiens bedryf het dat die bestuurder – wat ook onder die oorledenes tel – die die nodige akkreditasie gehad het om die bus te bestuur nie.
Volgens die maatskappy het hulle die laaste paar jaar reeds 35-miljoen passasier-kilometers afgelê sonder enige noodlottige voorval.
Die LUR vir vervoer en gemeenskapsveiligheid in Limpopo, Florence Radzilani het vroeër vandag die botsingstoneel besoek en is nou onderweg na die myn waar sy na verwagting ‘n tussentydse verslag oor die ongeluk sal kry.
