5 November 2021
‘n Studie deur die mediese fonds-administrateur, Discovery Health, dui daarop dat persone wat volledig met die Pfizer/BioNTech entstof ingeënt is – se kans om aan komplikasies weens die Covid-19 virus te sterf – met meer as 90% daal.
Volgens die studie daal die moontlikheid om gehospitaliseer te word – drie maande ná die tweede inenting – met 92% terwyl die kans om te sterf met 94% afneem.
Selfs al is ‘n persoon net een keer ingeënt daal die kans na veertien dae van inenting om gehospitaliseer te word met 73% en die kans om te sterf met 79%.
Die plaaslike bevindings stem ooreen met ‘n Amerikaanse studie wat in Oktober in die mediese tydskrif Lancet gepubliseer is, wat ook daarop dui dat die entstof – selfs ses maande ná toediening – ‘n pasiënt se kans om gehospitaliseer te word met 93% laat afneem.
Stem vir die Aitsa’s
