18 April 2023
Die Valke sê hulle het nié die voormalige uitvoerende hoof van Steinhoff, Markus Jooste, se paspoort nie.
Jooste het nie vandag in die Oldenburg streekhof, in Duitsland opgedaag vir die strafsaak teen hom nie.
Sy regspan in Duitsland het aangevoer dat hy afwesig is omdat hy nie Suid-Afrika kon verlaat weens uitdagings met sy paspoort nie. Hulle het ook aangevoer dat hy in hegtenis geneem kon word as hy Suid-Afrika sou verlaat.
Die regters in Duitsland sal nou besluit wat gedoen moet word met betrekking tot die handelsmisdaadsaak teen Jooste.
Hy het onder meer Jooste se Duitse verdedigingspan daarvan beskuldig dat hulle nie genoeg gedoen het om hom betyds in Duitsland te kry nie.
Jooste staar verskeie handelsmisdaadklagte teen hom in die gesig. Jooste en sy medebeskuldigde, George Alan Evans is in 2019 deur Steinhoff in die parlement uitgewys as twee van agt persone wat na bewering betrokke is by die gekonkel met die groep se boeke.
Evans het ‘n boete van €30 000 betaal.
