6 November 2023
Die EFF-leier Julius Malema sê hy het ‘n oomblik van swak politieke bewustheid gehad, na hy die Springbokke geluk gewens het met hulle Rugby Wêreldbeker oorwinning.
Malema het gister ondersteuners in Gauteng toegespreek, tydens ‘n verkiesingswerkswinkel.
Hy het vinnig weer gesê dat die Springbok-embleem verwyder moet word, omdat dit apartheid simbool is. Volgens hom word die groen en goud van die Springbokke ook geassosieer met die apartheidsera en moet dit verander word om die land se demokrasie te verteenwoordig.
Malema sê die Springbok verteenwoordig wit oorheersing, en hy sal die embleem verwyder sodra hy in beheer is.
Hy sê die EFF haat nie rugby nie, hulle hou net nie van die Springbokke nie.
