31 Augustus 2022
Prinses Diana is vandag 25 jaar gelede oorlede in ‘n motorongeluk in Parys, Frankryk.
Diana het in 1981 deel geword van die koninklike familie toe sy met die troonopvolger, prins Charles getroud is. Hulle was tot 1996 getroud en het twee seuns, prins William en prins Harry gehad.
Diana was 36 jaar oud toe sy saam met haar kêrel, Dodi Fayed die Ritz-hotel verlaat het. Hy was die seun van die bekende Londense winkel, Harrods se eienaar, Mohamed Fayed.
Die paartjie was saam met die bestuurder van die motor, Henri Paul toe hulle deur verskeie fotograwe en joernaliste agtervolg is. Hulle het teen ‘n beton versperring in die Pont de Alma tonnel gebots.
