28 April 2021
Die DA se provinsiale leier in die Wes-Kaap, Bonginkosi Madikizela het sy bedanking ingedien.
Madikizela, was ook die LUR vir vervoer in die provinsie. Die DA se provinsiale voorsitter in die Wes-Kaap, Jaco Londt het in ‘n verklaring Madikizela bedank vir sy rol as provinsiale leier die afgelope 3 jaar.
Londt sê die DA respekteer sy bedanking en meen hy het ‘n eerbare besluit geneem.
Die premier van die Wes-Kaap, Alan Winde het Madikizela sowat twee weke gelede geskors hangende ‘n ondersoek oor beweerde ongerymdhede in sy CV.
Volgens Madikizela het hy nooit sy BCom-graad afgehandel soos wat hy beweer het nie.
Albert Fritz sal nou as die DA se provinsiale leier waarneem totdat die party ‘n nuwe leier op 29 Mei vanjaar kan verkies.
