Die voormalige president, Thabo Mbeki, het ‘n opebrief aan die leier van die DA, John Steenhuisen geskryf waarin hy die party kritiseer vir hulle besluit om nié aan die nasionale dialoog deel te neem nie.
Die nasionale diagloog begin in Augustus. Volgens Mbeki is die DA se sogenaamde boikot van die dialoog vreemd en ‘n direkte aanval teen sy eie belange.
Die DA se besluit om uit die nasionale dialoog te onttrek kom nadat president Cyril Ramaphosa die adjunk-minister van handel, nywerheid en mededinging, Andrew Whitfield uit sy pos verwyder het.
LEES OOK: Ramaphosa sê hy hoef nié te verduidelik waarom hy Whitfield as adjunkminister verwyder het nie
Mbeki het verder in sy brief verwys na Steenhuisen se uitlatings dat hy nie aan die dialoog sal deelneem totdat Ramaphosa ook sy eie ministers verantwoordbaar hou en uit hulle poste verwyder nie. Hy het spesifiek na die ministers verwys wat in die Zondo-kommissie van ondersoek na staatskaping se verslag verskyn.
Die voorsitter van die DA se federale raad, Helen Zille, het op haar beurt gesê dat die nasionale dialoog volgens haar net ‘n “rookskerm is vir die ANC se 2026-verkiesingsveldtog.”
LEES OOK: Ramaphosa moes van die ander 42 adjunkministers ook ontslae raak – ActionSA
Mbeki skryf in sy brief dit is duidelik dat die DA ‘n ernstige probleem met Ramaphosa en die ANC het oor die funksionering van die regering van nasionale eenheid (RNE). Hy sê ondanks die party se klagtes is dit duidelik dat hulle nie van plan is om die RNE te verlaat nie.
Hy meen die DA behoort as ‘n lid van die RNE deel te neem aan die nasionale dialoog. Mbeki het verder in die brief probeer om te verduidelik hoe hy die nasionale dialoog beskou.
Volgens hom sal die nasionale dialoog nié dien as die ANC se verkiesingsveldtog nie omdat hy dit aanvanklik verlede jaar voorgestel het in sy toespraak om 30 jaar van die demokrasie te vier.
An Open Letter from President Thabo Mbeki, the Patron of the Thabo Mbeki Foundation, addressed to DA leader John Steenhuisen—dated 3 July 2025—in which he responds to the DA’s withdrawal from the National Dialogue pic.twitter.com/LCyrn0fEvp
— Thabo Mbeki Foundation (@TMFoundation_) July 3, 2025
