26 April 2024
Die leier van die DA, John Steenhuisen, het die party se nuwe ekonomiese beleidsplan voor die verkiesing bekend gemaak.
Steenhuisen sê die party glo sy ekonomiese beleid sal 2-miljoen nuwe werksgeleenthede skep.
Suid-Afrika se werkloosheidskoers is reeds die hoogste ter wêreld en het in die vierde kwartaal van 2023 tot 32,1% gestyg.
Die ekonomie het terselfdertyd in dieselfde kwartaal met slegs 0,1% gegroei en ‘n resessie net-net vrygespring.
Die sukkelende ekonomie sal na verwagting een van die hoofkwessies wees wat kiesers in ag gaan neem, wanneer hulle op die politieke party van hulle keuse besluit.
