11 Januarie 2022
MyBroadband Insights het sy 2021 verslag oor die beste en swakste selfoon-netwerke in Suid-Afrika gepubliseer.
Die data, wat gebruik is strek van 1 Januarie 2021 tot 31 Desember 2021 en kyk ondermeer na die spoed van die internet-verbinding.
Luidens die verslag is MTN die beste in terme van spoed in alle groot Suid-Afrikaanse stede, met die uitsondering van Vodacom wat koning gekraai het in Oos-Londen.
MTN het ook die vinnigste gemiddelde aflaaispoed met 64,23 megagrepe per sekonde, gevolg deur Vodacom wat se aflaaispoed net meer as 35 megagrepe per sekonde is. Cell C en Rain is onder op die lys, met ‘n aflaaispoed van onderskeidelik 27,23 megagrepe per sekonde en 13,07 megagrepe per sekonde.
