7 November 2022
Die departement van gemeenskapsveiligheid in Noordwes het sy aankoop van 20 donkiekarre verdedig, en sê dit help verskeie armer mense in die Mafikeng omgewing om rondgery te word.
Die 20 donkiekarre is aangekoop teen R780,000, en aan inwoners van die landelike gebiede geskenk. Die bedrag sluit ‘n drie jaar instandhoudingsplan in. Die tweesitplek-karre kos ongeveer R32 500, terwyl die viersitplek-karre R45 500 kos.
Die departement sê die koste sluit onderhoud vir drie jaar in.
Die departement sê die donkiekarre word gebruik om kinders by die skool te kry, pensionarisse by Sassa betaalpunte te kry, en siek mense na klinieke te neem.
Die woordvoerder van die departement van gemeenskapveiligheid en vervoerbestuur in Noordwes, Alpheus Koonyaditse sê die donkiekarre is aan meestal vroue geskenk. Hy meen die doel is om verskeie uitdagings in die landelike gemeenskap onder die loep te neem.
