5 Oktober 2021
Die departement van gesondheid het bevestig dat sy digitale inentingsertifikate van vandag af beskikbaar is.
Die waarnemende direkteur-generaal van die departement, dr. Nicholas Crisp sê die sertifikate sal per SMS-boodskap outomaties aan mense gestuur word, wat reeds ingeënt is. Die skakel op die SMS-boodskap neem jou dan na jou sertifikaat.
Jy kan ook aansoek doen vir die aflaaibare sertifikaat deur jou inentingskode op die departement se webblad in te vul. Die kode is die kode wat jy ontvang het per SMS nadat jy ingeënt is.
Crisp sê hy het gisteraand sy eie inentingsertifikaat ontvang.
Volgens die departement is daar ook ‘n QR-kode op die sertifikaat, wat dan geskandeer kan word indien dit by plekke versoek word.
Stem vir die Aitsa’s
