28 Augustus 2023
Die Parlement se portefeuljekomitee oor minerale hulpbronne en energie het die departement tot einde September gegee om aan hulle terug te rapporteer oor die dringende ingrypings wat hulle moet doen om die kwessie van onwettige mynbou in Noordwes en Gauteng te bekamp.
Dit kom ná die komitee se vier dae lange toesigbesoek aan die betrokke gebiede.
Byna ‘n honderd sogenaamde Zama Zamas is vandeesmaand in Gauteng in hegtenis geneem.
Meer as 500 verlate myne word steeds onwettig bewerk.
Volgens die komitee sal daar wyer as net die polisie gekyk moet word om ‘n oplossing te vind en sal ‘n veelsydige benadering gevolg moet word.
