19 Mei 2022
Die departement van sport, kuns en kultuur gaan sy omstrede vlagprojek hersien.
Die minister Nathi Mthethwa sê hy neem kennis van die openbare diskoers oor die projek, en sê die terugvoer wat hy persoonlik ontvang is ‘n viering van die land se demokrasie en ‘n betrokke burgerskap.
LEES OOK: OPVOLG: OPPOSISIEPARTYE ONTEVREDE MET PLANNE VIR PEPERDUUR VLAGPAAL
Hy noem egter nie dat die meeste terugvoer kritiek is teen die R22-miljoen vlagprojek nie.
Die departement was van plan om ‘n 100 meter hoë vlagpaal, met ‘n massiewe Suid Afrikaanse vlag op te rig by Vryheidspark in Pretoria.
Mthethwa hou egter vol dat die vlagpaal “nasietrots” sal bewerkstellig.
