22 Julie 2024
Die Gautengse departement van onderwys sê die skolier wat vermoedelik a-pokke opgedoen het, het nie dié siekte onder lede nie.
Verlede week het die departement ‘n verklaring uitgereik waarin daar aangedui is dat die kind – wat in Hammanskraal woonagtig is – wel die siekte opgedoen het nadat hy in aanraking was met ‘n familielied wat vermoedelik a-pokke opgedoen het.
Dié verklaring is enkele ure later terug getrek nadat die departement aangedui het dat die korrekte prosedures nie gevolg is nie.
Kliniese toetse het nou bewys dat die skolier nie die siekte opgedoen het nie en dat die departement voortydig opgetree het en die verkeerde afleidings gemaak het.
