29 Oktober 2022
Die departement van energie en minerale hulpbronne het laat gistermiddag die brandstofprys vir November aangekondig.
Beide grade petrols sal met 51-sent per liter styg, terwyl diesel R1,43-sent per liter duurder sal wees.
Dieselpryse in Gauteng bereik dus ‘n nuwe rekordhoogte van R25,49-sent per liter. Paraffien styg met 77-sent per liter.
Die Departement van Minerale Hulpbronne en Energie se woordvoerder, Robert Maake sê die styging is te wyte aan hoër internasionale brent-ru olie pryse, en ‘n swakker rand doller wisselkoers.
Die nuwe pryse tree Woensdag in werking.
