25 Julie 2023
Die Walliese sanger, Tom Jones (83) het teruggekap na die Walliese Rugbyunie (WRU) oor hulle besluit om nié sy 1968-treffer, Delilah by sy rugbywedstryde toe te laat nie.
Dit kom nadat die unie in Februarie aangekondig het dat die liedjie nie meer deur internasionale kore by die Principality-stadion in Cardiff gesing mag word nie omdat dit, volgens hulle, vrouehaat en gesinsgeweld aanhits.
Van die lirieke, wat deur Barry Mason geskryf is, bevat lirieke wat daarop sinspeel dat ‘n vrou deur haar kêrel vermoor word omdat sy hom met ‘n ander man verneuk het. Die lied is gewoonlik voor wedstryde en gedurende wedstryde gespeel.
Jones hou egter vol dat hy steeds die lied sal sing, en het dit die afgelope naweek (22 Julie) tydens ‘n optrede by die Cardiff-kasteel gesing. “Die WRU het dalk kore verhoed om die liedjie te sing, maar hulle kan nie die gehoor keer nie.”
Dit is veral die koor-gedeelte van die lied: “My, my, my Delilah. Why, why, why my Delilah” wat sinoniem is met Walliese rugbywedstryde.
Volgens Jones lees die unie té veel in die lirieke, en is dit nie ‘n politieke lied nie. “Dit gaan net oor ‘n vrou wat ontrou was, en ‘n man wat seergemaak is daardeur.”
Foto: BBC
