12 Februarie 2023
Die Noordwes-Universiteit se Potchefstroomkampus sê hy neem kennis van beweringe dat eerstejaars van dorpskoshuise op grond van hul ras uitgesluit was om ‘n verwelkomingsfunksie in die amfiteater by te woon.
Dit kom nadat AfriForum Jeug in ‘n mediaverklaring gesê het dat huiskomitee-lede van die dorpskoshuise glo Vrydagaand om half 12 ’n WhatsApp-boodskap ontvang wat hulle in kennis gestel het dat hul eerstejaars in aparte lokale ’n virtuele uitsending van die verwelkoming moet kyk.
LEES OOK: AFRIFORUM JEUG EIS ANTWOORDE VAN DIE NWU OOR “RASSE-UITSLUITING” OP POTCH-KAMPUS
Volgens die organisasie se woordvoerder, René van der Vyver het ‘n lid van die studenteraad glo die HK-lede ingelig dat die dorpskoshuise nie divers genoeg is nie en dat wanneer hulle tydens die amfiteatersessie gevra gaan word om op te staan dit te wit gaan lyk.
Die NWU sê dat volgens hulle inligting is die keuse gemaak weens die aantal student in dorpskuise in vergeleke met die kapasiteit van die amfiteater. Die NWU sê hulle sal die bewerings verder ondersoek.
