16 Februarie 2022
Die minister van vervoer, Fikile Mbalula sê daar is nié geld om die land se paaie in stand te hou nie.
Mbalula het gister aan die portefeuljekomitee oor vervoer gesê daar gaan in die volgende vyf tot 10 jaar ernstige verkeersopeenhopings in die land wees, omdat die paaie nie herstel of in stand gehou kan word nie.
Hy sê die geld wat gebruik moet word vir instandhouding, word aangewend om e-tol skuld te delg.
Mbalula sê dit is die voormalige minister van finansies Tito Mboweni se skuld dat die e-tol kwessie nog nie opgelos is nie.
Mbalula belowe reeds sedert 2019 dat die e-tol-kwessie binnekort opgelos gaan word.
