12 Januarie 2022
Die DA gaan voorleggings aan die parlement maak in `n poging om `n einde te bring aan die ANC se kaderontplooiing.
Volgens die DA is kaderontplooiing die fondasie van staatskaping en moet dit uitgeroei word voor `n einde aan korrupsie gemaak kan word.
Volgens die DA-parlementslid, Leon Schreiber was die ANC se kaderontplooiingskomitee die afgelope drie jaar verantwoordelik vir ten minste 88 aanstellings in regeringsdepartemente en staatsbeheerde ondernemings.
Die notules van die vergaderings is onlangs bekom na `n aansoek in gevolge die Wet op die bevordering van toegang tot inligting.
DA-woordvoerder, Siviwe Gwarube sê die party gaan `n privaat wetsontwerp aan die parlement voorlê wat ten doel het om kaderontplooiing te verbied.
