20 Junie 2024
Die DA het bevestig dat hy sy nuut-aangestelde parlementslid, Renaldo Gouws, geskors het.
Dit volg nadat ‘n video wat Gouws in 2009 gemaak het, waarin hy sê dat omgekeerde apartheid teen witmense diskrimineer, aan die lig gekom het.
Nog ‘n video het intussen uitgelek waarin Gouws swart mense die k-woord noem en meen dat hulle almal doodgemaak moet word. In die betrokke video gebruik hy herhaaldelik die k-woord en meen “hulle moet doodgemaak word.”
Gouws was voorheen ‘n wyksraadslid in die Nelson Mandelabaai-metro.
Die DA se direkteur vir kommunikasie, Richard Newton sê in ’n verklaring dat die video waarin Gouws sekere uitlatings maak, eg is en nié vervals soos wat aanvanklik vermoed is nie.
Die party se federale raad sê Gouws is onmiddellik geskors en sal dissiplinêr deur sy federale regskommissie verhoor word.
