26 September 2023
Die DA in die Wes-Kaap sê hy wil alle individue, gemeenskapsorganisasies en rampbestuurspanne bedank vir hulp wat verleen is aan diegene wat deur die afgelope storms in die Wes-Kaap geraak is- veral in die Langeberg-, Overberg- en Tuinroete-gebiede.
Die provinsiale leier van dié party, Tertuis Simmers sê hierdie gebiede is die ergste geraak en dat dit veral infrastruktuur is wat beskadig is.
Wes-Kaapse rampbestuurspanne is ook uitgestuur om die veiligheid van inwoners te verseker. Opruimingsoperasies is reeds aan die gang en Simmers sê hulle sal voortgaan om die situasie te monitor.
Sommige paaie wat beskadig is sal onbepaald gesluit bly.
