12 Oktober 2021
Die DA het vandag ‘n griefskrif aan die minister van hoër onderwys Blade Nzimande oorhandig, oor sy uitlatings rakende Afrikaans.
Nzimande het vroeër gesê dat Afrikaans ‘n uitheemse taal is.
Lede van die party het ‘n plakkaatbetoging na die minister se kantoor in die Pretoriase middestad gehou waarin hulle onder meer geëis het dat Afrikaans ook as ‘n gelyke taal beskou word. Hulle het onder meer geëis dat Nzimande self opdaag om die skrywe te ontvang, maar hy was egter nie daar nie.
Die DA leier John Steenhuisen sê Nzimande moet eerder poog om Afrikaans te vestig as ‘n ampteike taal, as wat hy probeer om dit uit te skuif.
Hy sê die DA se petisie dring verder aan dat Nzimande in die openbaar en onvoorwaardelik om verskoning moet vra aan die Afrikaanssprekende gemeenskap vir die wyse waarin hy die gemeenskap se grondwetlike regte tot waardigheid, moedertaalonderrig en gelykheid ondermyn het.
“Nadat Afrikaans se regmatige status as inheemse taal erken is, vra die DA se petisie voorts dat Nzimande alle openbare universiteite versoek om hul taalbeleide aan te pas om Afrikaans se status as volwaardige inheemse taal te reflekteer sodat moedertaalonderrig in Afrikaans uitgebrei kan word, pleks van beperk,” sê Steenhuisen.
Stem vir die Aitsa’s
