8 Mei 2023
Die DA sê dit is kommerwekkend dat een uit elke vier Gautengse openbare hospitale waarnemende uitvoerende hoofde het – met beperkte gesag om blywende besluite in werking te stel.
Luidens ’n skriftelike antwoord deur die provinsiale LUR vir Gesondheid, Nomantu Nkomo-Ralehoko, op ’n vraag deur die DA se skadu-LUR, Jack Bloom, het nege uit die 37 Gautengse openbare hospitale tans waarnemende uitvoerende hoofde.
Die voriges het óf vertrek óf is geskors.
Luidens die LUR se antwoord is die Kopanong-hospitaal – in Vereeniging – al sedert verlede jaar sonder ‘n permanente uitvoerende hoof toe die vorige uitvoerende hoof se kontrak in Februarie geëindig het.
Bloom is van mening dat die Gautengse gesondheidsdepartement die vakatures so gou moontlik moet vul om te verseker dat pasiënte nie daaronder ly nie.
