10 Maart 2022
Die koronavirus het moontlik een uit elke 200 Suid-Afrikaners doodgemaak.
Die Suid-Afrikaanse Mediese Navorsingsraad (SAMRC) sê oortollige sterftes tydens die Covid-19-pandemie – “wat volgens hulle beskou word as ‘n meer akkurate manier om die invloed daarvan te meet as amptelike statistiek” – het in die eerste week van Maart tot oor die 300 000 gestyg.
Volgens die SAMRC het dié syfer teen 5 Maart op 301 106 gestaan.
“Dit is meer as drie maal die amptelike sterftesyfer wat aan die virus toegedig word. Die aantal sterftes per 100 000 van die bevolking was 506.”
Navorsers sê byna al die oortollige sterftes – wat sterftes teen ‘n historiese gemiddelde vergelyk – is as gevolg van die virus.
