6 Mei 2022
Terwyl Suid-Afrikaners hulle Covid-19-inentingsertifikate plaaslik kan gebruik om geboue binne te gaan en sportgeleenthede by te woon, ervaar hulle steeds sekere uitdagings daarmee in die buiteland.
Dit blyk uit ‘n antwoord wat die minister van gesondheid, dr Joe Phaahla, tydens ‘n vraag-en-antwoord-sessie in die parlement gegee het oor die gebrek aan ‘n internasionale standaard vir inentingsertifikate.
Phaahla sê oor die algemeen stel lande nie maatreëls in plek waarvolgens ander lande se inentings aan beoordeel kan word nie.
Hy sê insgelyks kan Suid-Afrika nie ander lande se inentings plaaslik bevestig nie. “Die “QR”-kodes van ander lande se sertifikate word ook nie noodwendig deur plaaslike aftas-toestelle geregistreer nie.”
