30 September 2022
Die nasionale voorsitter van COPE, Teboho Loate, het aan Pretoria FM bevestig dat die party nog nie met die nuutverkose Johannesburgse speaker, Colleen Makhubele, vergader het nie.
Makhubele is die week deur die ANC gesteun in haar verkiesing as die speaker van die raad.
Loate bevraagteken Makhubele se COPE- lidmaatskap en sê daar bestaan die vermoede dat sy ‘n ANC lid kan wees.
“Ek sê nie sy is nie ‘n lid van Cope nie, maar sy het alreeds besluit saam met wie sy wil werk.”
Intussen heers daar chaos in die metro se raadsitting, waar raadslede tans stem in ‘n mosie van wantroue in die burgemeester Mpho Phalatse.
