14 Junie 2022
Die Suid-Gautengse hooggeregshof in Johannesburg het vandag vir die lugdiens, Comair in voorlopige likwidasie geplaas.
Comair bedryf Kulula en British Airways in Suid-Afrika.
Volgens die maatskappy se sakereddingspraktisyns is hierdie likwidasie nodig om Comair se vloot vliegtuige, ter waarde van sowat R3,5 miljard, te bewaar. Die maatskappy se skuld het in Januarie vanjaar op nagenoeg R6,44-miljard gestaan.
Alle betrokke partye het tot 26 Julie om die hof van redes te voorsien waarom die voorlopige likwidasiebevel nie ‘n finale bevel gemaak moet word nie.
