20 Oktober 2023
Die waarnemende hoof van SA Rugby, Rian Oberholzer sê hulle sal die doodsdreigemente wat aan die skrumskakel Cobus Reinach gestuur is, met Wêreldrugby opneem.
Reinach het die doodsdreigemente op sosiale media ontvang van ‘n Franse persoon, na dié Springbokke verlede week vir Frankryk in die kwarteindrondte met een punt geklop het.
Die persoon het aan Reinach gesê “hy hoop hy word doodgemaak deur Franse mense as hy terugkeer na sy klub Montpellier, na afloop van die Wêreldbeker.” Hy is sedert 2020 in Frankryk.
Hy het die Springbokke ook daarvan beskuldig dat hulle gekroek het.
Oberholzer sê dit is jammer dat sulke walglike goed gesê word, en hy hoop dat daar iets gedoen kan word deur Wêreldrugby.
