11 Julie 2022
Die polisieminister, Bheki Cele is vandag saam met die nasionale polisiekommissaris, Fannie Masemola in Soweto, waar 15 mense die naweek by ‘n taverne doodgeskiet is.
Nege ander is in ‘n kritieke toestand, na die skietvoorval Saterdagaand by die taverne in Nomzamo Park. Cele sal ook ‘n verslag ontvang oor die omstandighede rakende die voorval.
Ten minste 22 mense is doodgeskiet in vier verskillende skietvoorvalle by tavernes die afgelope week.
President Cyril Ramaphosa het intussen vir daadwerklike optrede gevra, en sê geweldadige misdadigers kan nie toegelaat word om Suid Afrikaners so te terroriseer nie.
