6 Desember 2023
Bykans helfte van Suid-Afrika se drinkwater is nie veilig vir menslike gebruik nie.
Volgens die departement van water en sanitasie se jongste bloudruppelverslag is 45% van die water nie veilig nie.
Dit is 41 persentasiepunte meer as die 5% van 2014 – toe die vorige bloudruppelverslag uitgereik is.
Die verslag toon verder dat 277 van die 958 watertoevoer-stelsels in die land – oftewel 29% daarvan – tans in ‘n kritieke toestand is.
Volgens die minister van water en sanitasie, Senzo Mchunu is hulle wel bekommerd oor die stand van water in die Noord-Kaap.
Mchunu het bygevoeg dat Suid-Afrika nie in ‘n waterkrisis verkeer nie en dat sy departement weet wat die probleme is.
