12 Januarie 2022
Die minister van polisie, Bheki Cele, het in antwoord op ‘n parlementêre vraag van die DA gesê dat daar byna 9000 vuurwapens die afgelope elf jaar uit die polisie se store weggeraak het.
889 van dié vuurwapens was privaat-vuurwapens terwyl 8043 van dié wapens die staat se vuurwapens was.
In sy antwoord het die minister gesê dat 5385 van die staat se wapens terug gevind is, maar hy het nie gemeld hoeveel van die privaat-vuurwapens terug gevind is nie.
Die DA se George Michalakis sê dit is onaanvaarbaar aangesien dit daarop neerkom dat 33% van die polisie se eie vuurwapens – wat uit hul store weggeraak het – steeds in misdadigers se hande is.
Slegs vyf mense is skuldig bevind aan klagtes wat veband hou met die verdwyning van dié wapens.
