10 Januarie 2024
Die minister van openbare ondernemings, Pravin Gordhan sê 3 636 kilometer spoorlyne – wat vir vragvervoer gebruik is – het in die afgelope dertig jaar in onbruik verval.
Gordhan se opmerking volg in antwoord op ‘n parlementêre vraag van die DA.
Dié party se woordvoerder oor staatsdiens en administrasie, dr. Leon Schreiber sê sý party wou in besonder weet hoeveel spoorlyne het in onbruik verval sedert die ANC aan bewind gekom het.
Schreiber sê dit is genoeg om die gewilde spoorvragroete tussen Durban en Johannesburg drie keer – heen en weer – aan te lê.
Hy sê andersom beteken dit dat tien kilometer spoorlyn elke maand in dié tyd tot niet gegaan het.
Dié syfers sluit spoorlyne uit wat vir passasiersdoeleindes gebruik is – en wat ook beskadig is.
Foto: Allstom
