8 Junie 2023
Byna 2 000 senior bestuurders in die regering – op nasionale sowel as provinsiale vlak – het nie die nodige kwalifikasie vir die pos wat hulle beklee nie.
Dit is volgens die departement van staatsdiens en administrasie wat inligting van die sentrale stelsel af getrek het wat gebruik word vir die administrasie van die staatsdiensbetaalstaat.
In reaksie op ‘n parlementêre vraag het die departement gesê dat 1 874 senior bestuurders ondergekwalifiseer is.
Die departement het bygevoeg 1 372 van dié aanstellings gemaak is voordat die minimumvereiste-voorskrif in Augustus 2016 in werking getree het.
