Bykans die helfte van vier- tot vyfjariges wat sentrums vir vroeë kinderontwikkeling
bywoon, is nie op dreef of gereed vir graad-R nie. Só het die onlangse Thrive by Five-indeks wat deur FNB, Innovation Edge en die departement van onderwys van stapel gestuur was, bevind.
Hierdie opname het sowat vyf duisend kinders tussen vier en vyf jaar oud, wat by
vroeë-kinderontwikkeling-programme reg oor die land ingeskryf is, geëvalueer.
Daar was onder meer gevind dat die helfte van hierdie kinders nie die take kon
doen wat van hulle verwag is nie. Sowat ‘n kwart van hulle funksioneer ook nie op die sosiale en emosionele vlak vir hul ouderdomsgroep nie.
