Burgemeesterskomiteelid vra dat betoging in die weste van Pretoria gestaak word

30 Junie 2022

Die Tshwane-metro het ‘n beroep op inwoners van die Gomora informele nedersetting gedoen om hulle betoging in die weste van Pretoria te staak. 

Die burgemeesterskomiteelid vir gemeenskapsveiligheid in die metro, Grandi Theunissen sê die geweldadige betoging het reeds vroeër vandeesweek ontstaan, wat daartoe gelei het dat infrastruktuur en privaat eiendom beskadig word. 

LEES OOK: KYK: INWONERS BETOOG IN DELE VAN PRETORIA-WES

Hy sê die metro kan die gemeenskap se frustrasies verstaan, maar sal glad nie die beskadiging van eiendom en geweld aanvaar nie. 

Theunissen het vanoggend die gemeenskap besoek. Hy sê die inwoners eis dat nuwe skole en klinieke gebou word. Hulle wil ook hê dat sekere dienste soos kragvoorsiening geformaliseer word. 

Theunissen het ook ‘n beroep op verteenwoordigers van die provinsiale regering in Gauteng gedoen om op die gemeenskap se eise te reageer.

We have noted with concern the continuous violent protests that erupted earlier this week near the Gomora informal settlement in PTA west. While we understand that the community may be frustrated, violence and property destruction will not be tolerated. @CityTshwane pic.twitter.com/Sin5tI3MLq

— Tshwane Coalition (@tshwane_mayor) June 30, 2022