31 Maart 2023
Die Tshwane-metro se nuwe burgemeester, Cilliers Brink het vanoggend sy burgemeesterskomitee aangekondig.
Hy sê hierdie komitee is uiters belangrik omdat dit diegene is wat sy aan sy gaan werk om Pretoria ‘n beter stad vir sy inwoners te maak. Brink sê as ‘n veelpartykoalisie is lede van die VF Plus, ActionSA, die IVP en die ACDP deel van sy komitee.
Hy sê die lede se bereidwilligheid om saam te werk is ‘n teken dat hulle gereed is om die uitdagings van die metro aan te pak.
Die burgemeesterskomiteelede is:
- Korporatiewe en gedeelde dienste – Kingsley Wakelin (DA)
- Ekonomiese ontwikkeling en ruimtelike beplanning – Hannes Coetzee (ActionSA)
- Nutsdienste en Streeksbedrywighede – Themba Fosi (DA)
- Omgewing en Landbou – Ziyande Zwane (IVP)
- Finansies – Peter Sutton (DA)
- Paaie en vervoer – Katlego Mathebe (DA)
- Gemeenskapsveiligheid – Grandi Theunissen (VF Plus)
- Maatskaplike ontwikkeling – Peggy de Bruyn (ActionSA)
- Menslike nedersettings – Ofentse Mazebatela (DA)
- Gesondheid – Riana Marx (VF Plus)
Volgens Brink is hy en die span gereed om te werk en is daar vyf sake waaraan hulle dringend aandag sal gee.
“Ons moet eerstens die stad se finansies prioritiseer, en fokus op ‘n herstelplan vir van die uitdagings. Die onbeplande water- en kragonderbrekings moet opgelos word, terwyl die uitwerking van beurtkrag op die stad se infrastruktuur ook onder die loep geneem word.”
Hy sê verder dat basiese dienste soos slaggate, stukke straatligte en skoonmaak-aksies ook voorkeur moet geniet.
