17 Januarie 2024
’n Bruid van Mexiko is op haar troudag in hegtenis geneem.
Dít na aanleiding van ’n klag van afpersing, waarby haar aanstaande man ook betrek word. Hy kon egter daarin slaag om te vlug.
Die vrou wat as Nancy N bekendstaan is glo vasgetrek, terwyl sy uit ’n voertuig geklim het om by die kerk in te stap.
Die paartjie word volgens owerhede daarvan beskuldig dat hulle hoenderhandelaars in Toluca naby Mexikostad afgepers het en vier werkers van ’n pluimveewinkel ontvoer het.
Hulle is na bewering ook deel van ’n bekende dwelmkartel, La Familia Michoacana.
