18 Julie 2023
Die lugvaartoperateur, British Airways sê hy het twee vlieëniers terug gestuur na die Verenigde Koningkryk nadat hulle die slagoffers van ‘n gewapende rooftog by Melrose Arch in Johannesburg was.
Volgens die lugdiens het die twee die maatskappy se staande reëls oortree deur te gaan draf – terwyl vlugpersoneel wat in Suid-Afrika tuisgaan – verbied word om hulle blyplek te verlaat weens die veiligheidsituasie in die land.
Die maatskappy wou nie verder kommentaar lewer nie, maar volgens die lugvaartnuuswebwerf, Crew Room, is een van die vlieëniers met ‘n mes in die been gesteek.
Luitenant-kolonel Mavela Masondo, die Gautengse polisiewoordvoerder, sê geen saak is aangemeld nie.
