20 April 2022
Die premier van Brittanje, Boris Johnson het in die parlement om verskoning gevra nadat hy deur die polisie beboet is omdat hy die Covid-19-maatreëls verontagsaam het deur partytjies te hou.
Johnson sê hy het nié besef dat ‘n verjaarsdagviering by sy woning, 10 Downing straat gedurende die hoogtepunt van die pandemie téén die maatreëls was nie, wat hy vasgestel het nie.
Lede van opposisiepartye eis dat Johnson afgedank moet word en meen hy het herhaaldelik vir die parlement gejok en het volgehou dat alle maatreëls wél nagekom is.
Johnson sê Britse landsburgers het die reg om beter van hom as die land se premier te verwag.
