9 Mei 2023
Die metropolisie in Londen, in Engeland sê hulle is spyt oor die inhegtenisnemings wat hulle Saterdag gedurende koning Charles die derde se kroning gemaak het.
Die polisie het ‘n verklaring uitgereik nadat verskeie mense hulle optrede as onnodig en hardhandig bestempel het.
Die leier van die teenmonargistiese groep Republic asook talle ander mense is in hegtenis geneem. Volgens ‘n verklaring deur die metropolisie is nagenoeg 64 mense Saterdag vasgetrek.
Reuters berig dat van die mense se borgtog gekanselleer is en dat geen verdere stappe teen hulle gedoen sal word nie.
Die metropolisie het verder in hul verklaring gesê dat alle mense die reg het tot vreedsame betogings, maar meen dit kan nie gebeur ten koste van ander mense se vreugde en veiligheid nie.
Foto: Evening Standard
