Die Verenigde Koninkryk se hooggeregshof het beslis dat die wetlike definisie van ‘n vrou nié transgender vroue insluit nie.
Dit kom te midde van ‘n jare lange debat oor ‘n persoon se biologiese geslag teenoor genderidentiteit. Die organisasie, For Women Scotland (FWS) het die saak in 2018 teen die Skotse regering gebring. Die FWS meen slegs vroue wat biologies as vroue gebore is, moet as ‘n vrou geïdentifiseer word.
Die skotse regering sê as ‘n transgender vrou, ‘n geslagserkenningsertifikaat, (GRC) het moet die persoon onder die Skotse Gelykheidswet van 2010 beskerm word. Die FWS meen egter slegs gebore vroue moet onder daardie wet beskerm word.
Vyf regters het besluit dat die terme “vrou” en “geslag” in die Gelykheidswet van 2010 verwys na biologiese vroue en biologiese geslag.
Die hof het verder in sy beslissing gesê dat dit gevaarlik is om nié die wetlike definisie van gender te verbind met die biologiese geslag nie omdat dit, volgens die hof, verwarring sal skep vir die gebruik van aangewese enkelgeslagdienste, insluitend kleedkamers, koshuise en gemeenskaplike verblyf.
#BREAKING UK Supreme Court rules unanimously that the definition of a woman under the Equality Act 2010 "refers to a biological woman and biological sex." pic.twitter.com/KMcAawx8HC
— Brit Ian (@dearbrit_ian) April 16, 2025
