31 Januarie 2022
Die departement van minerale hulpbronne en energie het die jongste prysaanpassings van die brandstofprys bekend gemaak en die inligting dui op ‘n stewige verhoging in die prys van Petrol en diesel.
Stygende oliepryse en leiheffingaanpassings is die grootste redes vir die verhogings, terwyl ‘n sterker rand teenoor die dollar die skade effe beperk het.
Die verhoging het 95-oktaan-petrol weer tot bo die R20 per liter kerf geneem.
Die enigste goeie nuus is ‘n laer maksimum kleinhandelprys vir LPGAS, wat met R1,24 per kilogram gaan daal. Die brandstofprysaanpassings tree op Woensdag, 2 Februarie 2022 in werking.
Die prys van 95- en 93-oktaan petrol styg met 53-sent-per-liter terwyl diesel met ‘n swael-inhoud van 0,05% – met 80-sent per liter styg.
Diesel met ‘n swael-inhoud van 0,005% styg met 79-sent per liter terwyl paraffien R1,1 per-liter meer gaan kos
