28 Februarie 2023
Motoriste word herinner om voor middernag die vulstasie te besoek nadat ‘n brandstofprysverhoging vir Maart aangekondig is.
Die prys van beide grade petrol sal om middernag met R1,27 styg, terwyl die dieselprys met tussen 30-sent en 32-sent sal styg.
Verder sal die prys van paraffien met 13-sent per liter styg en die maksimum prys vir LP-gas met R5,22 per kilogram styg.
Luidens ‘n verklaring van die departement kan dié prysstygings toegeskryf word aan die rand wat in die oorsigmaand vir Maart se pryse teenoor die Amerikaanse dollar verswak het, en ‘n styging in internasionale petrolpryse.
