1 Junie 2021
Bestuurders van Dieselvoertuie word aangemoedig om voor vanaand om middernag die vulstasie te besoek met Diesel, wat vanaf môre tussen 20- en 21-sent per liter duurder word.
Bestuurders van petrol aangedrewe voertuie kan egter ‘n sug van verligting slaak met petrol, wat met 10-sent per liter goedkoper word.
Paraffien kos vanaf môre 26-sent per liter duurder, terwyl gas R1,43 per kilogram goedkoper word.
Dié veranderinge bring die prys van 95-oktaan-petrol te staan op R17,13 per liter in Gauteng en R16,41 aan die kus. Diesel sal nou sowat R14,67 per liter sal kos.
As dit nie vir die sterker rand was nie, sou petrol ook waarskynlik duurder geword het weens die prys van Brent-ruolie – wat gebruik word om Suid-Afrikaanse petrol te vervaardig – wat die afgelope maand 4% duurder geword.
