28 Desember 2021
Suid-Afrikaanse motoriste betaal tans sowat 40% meer vir petrol en diesel as aan die begin van die jaar.
Volgens syfers wat deur die Outomobiel Assosiasie (AA) gepubliseer is, het 93-oktaan loodvrye petrol met 40,16% sedert die begin van die jaar gestyg. 95-oktaan loodvrye petrol het met 40,73% gestyg, terwyl diesel met 43,94% en 44,11% gestyg het afhangend van die swaelinhoud.
Dit is die teenoorgestelde neiging as in 2020, toe brandstofpryse gemiddeld met 12,5% gedaal het.
Die weiering van die kartel van Olieproduserende lande, OPUL, om hul produksie op te stoot te midde van die toenemende vraag na brandstof sedert die ergste Covid-19 inperkinge verslap is, het tot ‘n styging in die internasionale olieprys gelei.
