10 Mei 2021
‘n Brand het by ‘n pakhuis in Durban uitgebreek.
Dié pakhuis is glo deel van ‘n tekstielfabriek.
Volgens inskrywings op sosiale media blyk dit asof die brand op die derde verdieping van die gebou in Brickfield-straat ontstaan het.
Nooddienste en brandbestryders is tans op die toneel. Die oorsaak van die brand is nog onbekend.
Volgens die woordvoerder van die KwaZulu-Natal Nooddienste, Robert McKenzie is geen beserings aangemeld nie. Hy sê die brandbestryders se pogings om die brand onder bedwang te bring duur voort.
