21 Junie 2021
Die waarnemende minister van gesondheid, Mmamoloko Kubayi-Ngubane sê bouplanne word tans opgetrek vir die Charlotte Maxeke akademiese hospitaal in Johannesburg.
Die hospitaal is reeds sedert April gesluit nadat ‘n brand hier uitgebreek het.
Volgens Kubayi-Ngubane blyk dit “asof bouplanne nie vir die hospitaal ingedien is nie omdat dit glo voor 1994 volgens wet nie nodig was vir sekere geboue op staatsgrond om bouplanne by munispaliteite te hê nie.”
“Sy sê sekere geboue is tot nasionale sleutelpunte verklaar.”
Kubayi-Ngubane gee egter toe dat daar sedert 1994 genoeg tyd was om dié bouplanne op te trek, maar meen dit word nou gedoen en is byna afgehandel.
Dié hospitaal is intussen steeds gesluit ondanks eise uit verskeie oorde om die hospitaal te heropen te midde van ‘n toename in Covid-19-gevalle in Gauteng.
