20 September 2022
Botswana beplan om sowat 10 000 beeste te slag in ‘n poging om ‘n uitbreking van bek-en-klouseer te probeer keer.
Die buurland – wat een van die groot verskaffers van beesvleis aan die Europese Unie is – het reeds op 24 Augustus alle uitvoere van beesvleis gestaak. Meer as 19 000 beeste is tot dusver in die land deur bek-en-klouseer geraak.
Daar word jaarliks nagenoeg 9000 ton beesvleis na die EU uitgevoer.
Volgens die assistent-minister van landbou, Molebatsi Molebatsi, word die beeste in noordoostelike dorpe – wat aan Zimbabwe grens – geslag.
