20 Desember 2022
Die eThekwini-munisipaliteit sê ‘n stemboodskap wat die rondte doen – waarin beweer word dat verskeie mense by Isipingo suid van Durban verdrink het – is fopnuus.
In dié boodskap word gevra dat mense die strand moet vermy weens die verdrinkings wat daar plaasgevind het.
Volgens ‘n verklaring wat deur die stadsraad uitgereik is is die strand gesluit weens die swak watergehalte en het niemand onlangs daar verdrink nie.
Die stadsraad meld wel dat drie mense oor die naweek by die Noordstrand verdrink het nadat hulle deur ‘n sleurstroom die see ingetrek is.
