19 Oktober 2023
Die Springbokafrigter Jacques Nienaber het ‘n onveranderde Springbokspan aangekondig vir sy halfeindstryd wedstryd teen Engeland dié komende Saterdag, 21 Oktober.
Die span is vroeër vanoggend aangekondig.
Die Springbokke se direkteur van Rugby, Rassie Erasmus het vroeër die week nog daarop gesinspeel dat hy dalk vir die buitesenter, Lukanyo Am, en die veelsydige agterspeler Canan Moodie in die span sou insluit.
Erasmus en Nienaber het egter besluit om nie die wenresep te verander wat die afgelope naweek gewerk het teen Frankryk nie.
Die span sal ook die mees ervare span wees in Springbok geskiedenis, met ‘n gesamentlike totaal van 895 toetse wat gespeel is deur die spelers.
Die span is: Damian Willemse (37 toetse), Kurt-Lee Arendse (13), Jesse Kriel (66), Damian de Allende (76), Cheslin Kolbe (29), Manie Libbok (13), Cobus Reinach (30), Duane Vermeulen (74), Pieter-Steph du Toit (74), Siya Kolisi (81, kaptein), Franco Mostert (71), Eben Etzebeth (117), Frans Malherbe (67), Bongi Mbonambi (66), en Steven Kitshoff (81).
PLAASVERVANGERS: Deon Fourie (11), Ox Nche (26), Vincent Koch (48), RG Snyman (32), Kwagga Smith (38), Faf de Klerk (53), Handré Pollard (68), en Willie le Roux (91)
